ەلدەگٸ فۋتبول سالاسىن دامىتۋ جەنە بيۋدجەت قارجىسىنىڭ تيٸمدٸ جۇمسالۋىن قامتاماسىز ەتۋ ماقساتىندا ٷكٸمەت بٸرقاتار ناقتى شارالاردى قولعا الدى. بۇل تۋرالى پرەمەر-مينيستر ولجاس بەكتەنوۆ مەجٸلٸس دەپۋتاتى نارتاي ارالبايۇلىنىڭ دەپۋتاتتىق ساۋالىنا بەرگەن جاۋابىندا ايتتى, دەپ حابارلايدى Dalanews.kz.
ولجاس بەكتەنوۆتىڭ مەلٸمەتٸنشە, مەملەكەت باسشىسىنىڭ تاپسىرماسىنا سەيكەس, ەلٸمٸزدەگٸ بارلىق فۋتبول كلۋبتارىن جەكەشەلەندٸرۋ باعىتىندا جۇمىستار جٷرگٸزٸلٸپ جاتىر. قازٸرگٸ تاڭدا تۋريزم جەنە سپورت مينيسترلٸگٸ قازاقستان فۋتبول فەدەراتسيياسىمەن جەنە ٶڭٸر ەكٸمدٸكتەرٸمەن بٸرلەسٸپ, ەلەۋەتتٸ ينۆەستورلارمەن كەلٸسسٶزدەر ٶتكٸزٸپ كەلەدٸ.
ينۆەستورلاردىڭ قىزىعۋشىلىعى:
- «ورتالىق ازييا وتىن-ەنەرگەتيكالىق كومپانيياسى» («قىزىل-جار» فك);
- Freedom Finance («شاحتەر» فك ٷشٸن ستاديون جەنە فۋتبول اكادەميياسىن سالۋ جوباسى);
- Kaspi Group («جەڭٸس» فك مەن استانادا ينفراقۇرىلىم سالۋ جوسپارى);
- TAU GROUP LTD («قايسار» فك ساتىپ الۋ نيەتٸ).
سونىمەن قاتار "تاراز", "ەلٸماي" جەنە "ەرتٸس" كلۋبتارىنا قىزىعۋشىلىق تانىتقان ينۆەستورلارمەن دە كەزدەسۋلەر ٶتكەن.
بيۋدجەت جەنە تەكسەرۋلەر
2025 جىلى فۋتبولدى دامىتۋعا 34,9 ملرد تەڭگە بٶلٸنگەن. ونىڭ 31,8 ملرد تەڭگەسٸ كەسٸپقوي كلۋبتاردى قولداۋعا, ال 3,1 ملرد تەڭگەسٸ بالالار مەن بۇقارالىق فۋتبولعا باعىتتالعان.
سوڭعى جىلدارى سپورتقا بٶلٸنگەن قارجىنىڭ تيٸمدٸ جۇمسالۋىن باعالاۋ ماقساتىندا 12-دەن استام تەكسەرۋ جٷرگٸزٸلٸپ, 100-دەن اسا زاڭبۇزۋشىلىق انىقتالعان.
مەسەلەن, اقتٶبە وبلىستىق پروكۋراتۋراسى "اقتٶبە" فۋتبول كلۋبىندا 250 ملن تەڭگەدەن استام قارجىنىڭ ماقساتسىز جۇمسالعانىن انىقتاعان.
جاڭا شەكتەۋلەر مەن رەفورمالار
2026 جىلدان باستاپ شەتەلدٸك سپورتشىلاردى (لەگيونەرلەردٸ) مەملەكەتتٸك قاراجات ەسەبٸنەن قارجىلاندىرۋعا تىيىم سالىنادى.
سونداي-اق مينيسترلٸك بۇيرىعىمەن فۋتبول كلۋبتارىن جەرگٸلٸكتٸ بيۋدجەت ەسەبٸنەن قارجىلاندىرۋعا ليميت بەلگٸلەندٸ – 500 اەك-تەن اسپاۋى تيٸس.
بۇدان بٶلەك, جاتتىقتىرۋشىلاردىڭ ەڭبەكاقىسىن ارتتىرۋ ٷشٸن 2026 جىلدان باستاپ قوسىمشا ٷستەماقىلار تٶلەنەدٸ. بالالار مەن جاسٶسپٸرٸمدەر سپورت مەكتەپتەرٸنٸڭ جاتتىقتىرۋشىلارىنا 30% كٶلەمٸندە ٷستەمە اقى ەنگٸزۋ ٷشٸن رەسپۋبليكالىق بيۋدجەتتەن 1,8 ملرد تەڭگە قاراستىرىلعان.
"فۋتبولدى دامىتۋ مەسەلەسٸ ٷكٸمەتتٸڭ تۇراقتى باقىلاۋىندا", – دەدٸ پرەمەر-مينيستر ولجاس بەكتەنوۆ.
