Almaty politsiiasy «Qairat» – «Pafos» fýtbol matchy qarsańynda qaýipsizdik sharalaryn kúsheitti, dep habarlaidy Dalanews.kz.
Almatyda politsiia qyzmetkerleri qaladaǵy Ortalyq stadionda ótip jatqan «Qairat» pen «Pafos» komandalary arasyndaǵy halyqaralyq fýtbol matchy kezinde jankúierlerdiń tártibi men qaýipsizdigin qamtamasyz etýde.
Politsiia departamentiniń qyzmetkerleri qoǵamdyq tártipti saqtaý men tribýnalardaǵy baqylaýdan bastap, sport nysany mańyndaǵy jol qozǵalysyn retteýge deiingi barlyq baǵytta jumyldyrylǵan.
Politsiianyń málimetinshe, match ótkizý kezinde kólik qozǵalysyna ishinara shekteýler engizilýi múmkin. Osyǵan bailanysty almatylyqtarǵa óz baǵyttaryn aldyn ala josparlap, ýaqytsha sharalarǵa túsinistikpen qaraý usynylady.
«Almaty politsiiasy fýtbol keshiniń tynysh ári jaily ótýi úshin barlyq qajetti sharalardy qabyldap otyr. Mundai is-sharalardaǵy qaýipsizdik tek tártip saqshylaryna ǵana emes, azamattardyń jaýapkershiligine de bailanysty. Jankúierlerden tártip saqtap, politsiiamen ózara yntymaqtastyq tanytýdy suraimyz», – dedi, Almaty qalalyq PD Qoǵamdyq qaýipsizdik Basqarmasy bastyǵynyń orynbasary Timýr Nogaibaev.
Politseiler qabyldanyp jatqan barlyq sharalardyń basty maqsaty – sporttyq mereke kezinde qaýipsizdikti qamtamasyz etý jáne qoǵamdyq tártipti saqtaý ekenin atap ótti.
