Orynbor zaýytyndaǵy apatqa bailanysty Qazaqstan gazsyz qalmaidy. Bul týraly Qazaqstannyń Energetika ministrligi málimdedi, dep habarlaidy Dalanews.kz.
"Gazpromnyń" málimeti boiynsha 19 qazanda Orynbor gaz óńdeý zaýytynda ushqyshsyz áýe apparatynyń shabýyly saldarynan apat jaǵdaiy týyndap, zaýyt Qarashyǵanaq ken ornynan shiki gaz qabyldaýdy ýaqytsha toqtatqan.
"Zaýyttyń zaqymdaný sipaty men jumysyn qalpyna keltirý merzimderi boiynsha aqparat reseilik taraptan áli berilgen joq. Qazaqstan gazsyz qalmaidy. Gaz ishki tutynýshylarǵa qalypty rejimde, eshqandai shekteýsiz jetkizilip jatyr", - dep jazylǵan habarlamada.
Ministrlik málimetine súiensek, Qarashyǵanaq shikizatyn óńdeý jáne munai óndirýge yqtimal áseri ken paidalanýshylarymen birlesip qaralyp jatyr.
"Shyǵyndar men aldaǵy sharalar týraly qosymsha habarlanady. Energetika ministrligi jaǵdaidy baqylaýda ustap, reseilik tarap jáne ken orny operatorlarymen turaqty bailanysta", - dep jazylǵan habarlamada.
