Qazaqstandyq bloger Alısher Elikbaev jarıalaǵan vıdeoda reseılik jýrnalıs Iýrıı Dýd nege onyń shyǵarylymdarynda Qazaqstannan kelgen keıipkerler uzaq ýaqyttan beri kórinbeı ketkeni týraly suraqqa jaýap berdi, dep habarlaıdy Dalanews.kz.
Alısher Elikbaev Iýrıı Dýdpen birge Madeıra aralynda boldy. Bloger jýrnalıske blıs- suhbat uıymdastyrdy: qoıylǵan suraqtardyń biri- nege onyń shyǵarylymdarynda kópten beri qazaqstandyqtar bolmaǵany týraly edi.
«Ókinishke qaraı, men qazir Qazaqstanǵa bara almaımyn. Maǵan qyzyq bolatyn keıipkerlerdi Qazaqstanda túsirý durys bolar edi. Biraq ol jaqqa barýdyń sáti túspeı tur. Reseıde maǵan qarsy qylmystyq is qozǵalǵan. Soǵan baılanysty Qazaqstan meni osy qylmystyq is boıynsha ekstradısıalaýy múmkin. Qazaqstan halqyna degen zor yqylasyma jáne ol jaqta dostarym men tanystarymnyń baryna qaramastan, ázirge ol elge bara almaımyn»,- dedi Dýd.
2025 jyldyń shilde aıynda Máskeý soty jýrnalıs jáne bloger Iýrıı Dýdti syrttaı qamaýǵa alý týraly sheshim shyǵardy. Oǵan Reseı Federasıasynyń sheteldik agentter týraly zańnamasynda kózdelgen mindetterden jaltardy degen aıyp taǵylyp otyr.
