قازاقستاندىق بلوگەر اليشەر ەلىكبايەۆ جاريالاعان ۆيدەودا رەسەيلىك جۋرناليست يۋريي دۋد نەگە ونىڭ شىعارىلىمدارىندا قازاقستاننان كەلگەن كەيىپكەرلەر ۇزاق ۋاقىتتان بەرى كورىنبەي كەتكەنى تۋرالى سۇراققا جاۋاپ بەردى، دەپ حابارلايدى Dalanews.kz.
اليشەر ەلىكبايەۆ يۋريي دۋدپەن بىرگە مادەيرا ارالىندا بولدى. بلوگەر جۋرناليستكە بليس- سۇحبات ۇيىمداستىردى: قويىلعان سۇراقتاردىڭ ءبىرى- نەگە ونىڭ شىعارىلىمدارىندا كوپتەن بەرى قازاقستاندىقتار بولماعانى تۋرالى ەدى.
«وكىنىشكە قاراي، مەن ءقازىر قازاقستانعا بارا المايمىن. ماعان قىزىق بولاتىن كەيىپكەرلەردى قازاقستاندا ءتۇسىرۋ دۇرىس بولار ەدى. ءبىراق ول جاققا بارۋدىڭ ءساتى تۇسپەي تۇر. رەسەيدە ماعان قارسى قىلمىستىق ءىس قوزعالعان. سوعان بايلانىستى قازاقستان مەنى وسى قىلمىستىق ءىس بويىنشا ەكستراديسيالاۋى مۇمكىن. قازاقستان حالقىنا دەگەن زور ىقىلاسىما جانە ول جاقتا دوستارىم مەن تانىستارىمنىڭ بارىنا قاراماستان، ازىرگە ول ەلگە بارا المايمىن»،- دەدى دۋد.
2025 جىلدىڭ شىلدە ايىندا ماسكەۋ سوتى جۋرناليست جانە بلوگەر يۋريي ءدۋدتى سىرتتاي قاماۋعا الۋ تۋرالى شەشىم شىعاردى. وعان رەسەي فەدەراسياسىنىڭ شەتەلدىك اگەنتتەر تۋرالى زاڭناماسىندا كوزدەلگەن مىندەتتەردەن جالتاردى دەگەن ايىپ تاعىلىپ وتىر.
