Qaraǵandy oblysy men Shymkent qalasynda engizilgen jańa skoringtik júie memlekettik qoldaýǵa ótinish bergender arasynan bai otbasylardy da anyqtady, dep habarlaidy Dalanews.kz.
Eńbek jáne halyqty áleýmettik qorǵaý ministrliginiń málimetinshe, otbasylardyń naqty ál-aýqatyn baǵalaý maqsatynda tórt memlekettik qyzmet boiynsha tiisti joba iske qosylǵan. Jalpy sany 26,1 myń ótinish qaralǵan.
Pilottyq aimaqtarda skoringtik model úsh baǵytta qoldanylady:
- turǵyn úi kómegin taǵaiyndaý;
- jeke turǵyn úi qorynan jalǵa alynǵan baspana úshin sýbsidiia tóleý;
- múgedektigi bar balalardy úide oqytý shyǵyndaryn óteý.
Ministrlik málimetinshe, turǵyn úi kómegine 1215 ótinish túsip, barlyǵy qanaǵattandyrylǵan. Al jaldaý aqysynyń bir bóligin sýbsidiialaýǵa 1268 ótinish kelip túsken, onyń ishinde 484 otbasynyń materialdyq jaǵdaiy joǵary ekeni anyqtalǵan.
Sondai-aq múgedektigi bar balalardy úide oqytý shyǵyndaryn óteýge 1 qyrkúiekten bastap 1256 ótinish túsken. Baǵalaý nátijesinde olardyń 32-si 6-sanatqa, iaǵni aýqatty otbasylar qataryna jatqyzylǵan.
Ministrlik bul júie arqyly áleýmettik kómek naqty muqtaj azamattarǵa baǵyttalatynyn atap ótti.
