Qostanai oblysynda Mihailov aýyldyq okrýginiń ákimi Marina Djafarova eki birdei quqyqbuzýshylyq deregi boiynsha tergeý nysanasyna ilikti. Ol qyzmettik kólikti mas kúiinde júrgizip, memlekettik múlikti zańsyz paidalanǵan, dep habarlaidy Dalanews.kz.
Kosmetikalyq kabinet ákimdikte ashylǵan
"Vremia" málimetinshe, etika keńesiniń dereginshe, Djafarova eshqandai konkýrs ótkizbei jáne resmi qujat rásimdemei, ákimdik ǵimaratynda kosmetikalyq kabinet ashýǵa ruqsat bergen. Bul áreket turǵyndarmen «aýyzsha kelisim» negizinde júzege asqan.
Mas kúiinde kólik júrgizgen
Biraq kóp uzamai sheneýnik ákimdikke tiesili avtokólikti mas kúiinde basqarǵany úshin ustalǵan.
Sot sheshimimen ol 15 táýlikke ákimshilik qamaýǵa alynyp, 7 jyl merzimge júrgizýshi kýáliginen aiyryldy.
Etika keńesiniń uiǵarymy
Etika keńesi Marina Djafarovanyń is-áreketin «biliktiń abyroiyn túsiretin qylyq» dep atap, ony qyzmetinen bosatýdy usyndy.
Qazir bul usynys tiisti tártiptik keńeste qaralýda.
