Qazaqstandaǵy transport-logistikalyq júiedegi basty másele – jol keptelisi men infraqurylymnyń jetkiliksizdigi. Osy problemany sheshý úshin biyl qańtar–tamyz ailarynda avtomobil jáne temirjol qurylysyna salynǵan investitsiialar 35,9 mlrd teńgege jetip, ótken jyldyń osy kezeńimen salystyrǵanda 65,2%-ǵa artty. Bul týraly Finprom.kz málimdedi, dep habarlaidy Dalanews.kz.
Alaida qala turǵyndary jolda áli kóp ýaqyt ótkizedi. Orta eseppen qazaqstandyqtar bir baǵytqa 35,8 minýt jumsaidy. Almatyda bul kórsetkish 39,4 minýtqa jetip, qala 117-shi orynda tur. Astana turǵyndary 34,3 minýt jolda bolyp, 197-shi orynǵa jaiǵasqan. Eksponentsialdy ýaqyttyq aiyrmashylyq indeksi 672-ge jetip, azamattardyń uzaq sapardan qanaǵattanbaýshylyǵyn kórsetedi. Sonymen qatar transport júiesiniń jalpy tiimdiligin baǵalaityn indeks 141,3-ke jetken, bul jeke kóliktiń qoǵamdyq kólikten basym bolýyn nemese jumysqa barý men qaitýdaǵy uzaq saparlardy kórsetedi.
Investitsiialardyń basym bóligi kásiporyndardyń óz qarajatyna túsip otyr, iaǵni 33,4 mlrd teńge. Bankterden tartylǵan qarajat ta 3,5 ese ósip, 1,4 mlrd teńgege jetken. Aimaqtar boiynsha eń kóp salym Aktóbe (11,8 mlrd teńge), Shyǵys Qazaqstan (7 mlrd teńge) jáne Qaraǵandy (2,8 mlrd teńge) oblystaryna baǵyttalǵan. Bul óńirlerde jol keptelisin azaitýǵa jáne infraqurylymdy jaqsartýǵa arnalǵan iri jobalar qolǵa alynǵan. Al eń tómen investitsiia Jambyl, Atyraý jáne Ulytaý oblystarynda tirkelse, Jetisý oblysynda biyldan bastap salym múlde bolmaǵan.
