قازاقستانداعى ترانسپورت-لوگيستيكالىق جٷيەدەگٸ باستى مەسەلە – جول كەپتەلٸسٸ مەن ينفراقۇرىلىمنىڭ جەتكٸلٸكسٸزدٸگٸ. وسى پروبلەمانى شەشۋ ٷشٸن بيىل قاڭتار–تامىز ايلارىندا اۆتوموبيل جەنە تەمٸرجول قۇرىلىسىنا سالىنعان ينۆەستيتسييالار 35,9 ملرد تەڭگەگە جەتٸپ, ٶتكەن جىلدىڭ وسى كەزەڭٸمەن سالىستىرعاندا 65,2%-عا ارتتى. بۇل تۋرالى Finprom.kz مەلٸمدەدٸ, دەپ حابارلايدى Dalanews.kz.
الايدا قالا تۇرعىندارى جولدا ەلٸ كٶپ ۋاقىت ٶتكٸزەدٸ. ورتا ەسەپپەن قازاقستاندىقتار بٸر باعىتقا 35,8 مينۋت جۇمسايدى. الماتىدا بۇل كٶرسەتكٸش 39,4 مينۋتقا جەتٸپ, قالا 117-شٸ ورىندا تۇر. استانا تۇرعىندارى 34,3 مينۋت جولدا بولىپ, 197-شٸ ورىنعا جايعاسقان. ەكسپونەنتسيالدى ۋاقىتتىق ايىرماشىلىق يندەكسٸ 672-گە جەتٸپ, ازاماتتاردىڭ ۇزاق ساپاردان قاناعاتتانباۋشىلىعىن كٶرسەتەدٸ. سونىمەن قاتار ترانسپورت جٷيەسٸنٸڭ جالپى تيٸمدٸلٸگٸن باعالايتىن يندەكس 141,3-كە جەتكەن, بۇل جەكە كٶلٸكتٸڭ قوعامدىق كٶلٸكتەن باسىم بولۋىن نەمەسە جۇمىسقا بارۋ مەن قايتۋداعى ۇزاق ساپارلاردى كٶرسەتەدٸ.
ينۆەستيتسييالاردىڭ باسىم بٶلٸگٸ كەسٸپورىنداردىڭ ٶز قاراجاتىنا تٷسٸپ وتىر, ياعني 33,4 ملرد تەڭگە. بانكتەردەن تارتىلعان قاراجات تا 3,5 ەسە ٶسٸپ, 1,4 ملرد تەڭگەگە جەتكەن. ايماقتار بويىنشا ەڭ كٶپ سالىم اكتٶبە (11,8 ملرد تەڭگە), شىعىس قازاقستان (7 ملرد تەڭگە) جەنە قاراعاندى (2,8 ملرد تەڭگە) وبلىستارىنا باعىتتالعان. بۇل ٶڭٸرلەردە جول كەپتەلٸسٸن ازايتۋعا جەنە ينفراقۇرىلىمدى جاقسارتۋعا ارنالعان ٸرٸ جوبالار قولعا الىنعان. ال ەڭ تٶمەن ينۆەستيتسييا جامبىل, اتىراۋ جەنە ۇلىتاۋ وبلىستارىندا تٸركەلسە, جەتٸسۋ وبلىسىندا بيىلدان باستاپ سالىم مٷلدە بولماعان.
