27 qazan men 2 qarasha aralyǵynda elimizdiń mektep oqýshylary kúzgi demalysqa shyǵady. Osy kezeńde Oqý-aǵartý ministrligi ázirlegen «Adal azamat» baǵdarlamasy aiasynda balalar túrli mádeni, tanymdyq jáne aǵartýshylyq is-sharalarǵa qatysady, dep habarlaidy Dalanews.kz.
Oqýshylarǵa kelesi baǵyttar boiynsha demalysty tiimdi ótkizý usynylady:
- "Kanikýlda kitap oqimyz" jobasyna qatysý;
- "Býllingten qorǵan" atty qaýipsizdik sabaqtaryna barý;
- mektep teatrlary uiymdastyrǵan qoiylymdardy tamashalaý.
Ministrlik ókilderiniń aitýynsha, demalys kezinde balalardyń qaýipsizdigine erekshe nazar aýdarylady. Bul baǵytta jol-kólik oqiǵalarynyń aldyn alý, kóshede ózin-ózi ustaý erejelerin saqtaý, órt jáne kiberqaýipsizdik taqyryptarynda túsindirý jumystary júrgiziledi. Sonymen qatar ata-analarmen tyǵyz bailanys ornatý da basty nazarda bolmaq.
