27 قازان مەن 2 قاراشا ارالىعىندا ەلىمىزدىڭ مەكتەپ وقۋشىلارى كۇزگى دەمالىسقا شىعادى. وسى كەزەڭدە وقۋ-اعارتۋ مينيسترلىگى ازىرلەگەن «ادال ازامات» باعدارلاماسى اياسىندا بالالار ءتۇرلى مادەني، تانىمدىق جانە اعارتۋشىلىق ءىس-شارالارعا قاتىسادى، دەپ حابارلايدى Dalanews.kz.
وقۋشىلارعا كەلەسى باعىتتار بويىنشا دەمالىستى ءتيىمدى وتكىزۋ ۇسىنىلادى:
- "كانيكۋلدا كىتاپ وقيمىز" جوباسىنا قاتىسۋ؛
- "بۋللينگتەن قورعان" اتتى قاۋىپسىزدىك ساباقتارىنا بارۋ؛
- مەكتەپ تەاترلارى ۇيىمداستىرعان قويىلىمداردى تاماشالاۋ.
مينيسترلىك وكىلدەرىنىڭ ايتۋىنشا، دەمالىس كەزىندە بالالاردىڭ قاۋىپسىزدىگىنە ەرەكشە نازار اۋدارىلادى. بۇل باعىتتا جول-كولىك وقيعالارىنىڭ الدىن الۋ، كوشەدە ءوزىن-وزى ۇستاۋ ەرەجەلەرىن ساقتاۋ، ءورت جانە كيبەرقاۋىپسىزدىك تاقىرىپتارىندا ءتۇسىندىرۋ جۇمىستارى جۇرگىزىلەدى. سونىمەن قاتار اتا-انالارمەن تىعىز بايلانىس ورناتۋ دا باستى نازاردا بولماق.
