Premer- Ministrdiń orynbasary- QR jasandy intellekt jáne tsifrlyq damý ministri Jaslan Madiev «Ulttyq beinebaqylaý júiesin» engizý jospary týraly aitty, dep habarlaidy Dalanews.kz.
-Biz beibitshilik, ádildik jáne institýttardyń tiimdi jumysyn qamtamasyz etý úshin zamanaýi tehnologiialardy, ásirese quqyqtyq qyzmetterdi jaqsartýǵa, quqyq qorǵaý organdarynyń tiimdiligin arttyrýǵa jáne azamattardyń quqyqtaryn qorǵaýǵa kómektesetin jasandy intellektini paidalaný qajet ekenin túsinemiz,- dedi Madiev Qazaqstan Respýblikasyndaǵy turaqty damý salasyndaǵy ulttyq maqsattar men mindetterdiń iske asyrylýyn monitoringteý jónindegi Parlamenttik komissiianyń XI otyrysynda.
Onyń aitýynsha, bul baǵytta Ministrlik quqyq qorǵaý organdarymen birlese otyryp aýqymdy jumystar júrgizýde. Azamattardyń quqyqtyq aqparatqa qoljetimdiligin jeńildetetin, zańgerlik suraqtarǵa jedel ári naqty jaýap beretin «Quqyqtyq keńes beretin JI- agent» siiaqty sheshimder iske asyrylýda.
Bolashaqta qoǵamdyq keńistikterdi táýlik boiy baqylaýdy qamtamasyz etetin jasandy intellektini qoldanatyn «Ulttyq beinebaqylaý júiesin» engizý josparlanyp otyr.
-Júie bet-álpetterdi, kólik nómirlerin avtomatty túrde tanidy, sondai- aq kúdik týdyratyn jaǵdailardy (tóbelester, adamdardyń jappai jinalýy, qaldyrylǵan zattar) anyqtap, bul qoǵamdyq qaýipsizdik deńgeiin arttyryp, quqyq qorǵaý organdarynyń jedel áreket etý múmkindigin kúsheitedi,- dedi ministr.
