Búgin Qyzylordada oblys ákimi Nurlybek Nálibaev, Densaýlyq saqtaý ministri Aqmaral Álnazarova, Syrtqy ister ministriniń orynbasary Álibek Qýantyrov, Parlament Májilisiniń depýtattary Murat Ábenov, Marhabat Jaiymbetov, Murat Ergeshbaev, quqyq qorǵaý organdarynyń birinshi basshylary, oblystyq máslihat depýtattary, ziialy qaýym ókilderi jáne ardagerlerdiń qatysýymen Orhun medical meditsinalyq ortalyǵynyń ashylý rásimi ótti, dep habarlaidy Dalanews.kz
Aimaq basshysy óz sózinde óńirdiń densaýlyq saqtaý salasyndaǵy jetistikterge toqtaldy.
«Memleket basshymyz Qasym-Jomart Kemeluly «Ult saýlyǵy jaqsy bolsa, qoǵam ornyqty damidy» dep, salaǵa árdaiym airyqsha kóńil bólip keledi. Syr óńirinde turǵyndardyń meditsinalyq qyzmetke qoljetimdiligin arttyrý, infraqurylymdy odan ári jetildirý sharalary keshendi túrde júrgizilýde.
Búgin Ózderińizben birge óńirimiz úshin mańyzy zor nysan Orhun Medical meditsinalyq ortalyǵynyń ashylýynda bas qostyq. Ortalyqtyń negizgi baǵyty – pozitrondy-emissiialyq jáne kompiýterlik tomografiiany biriktiretin joǵary tehnologiialyq diagnostika.
Quny 4 mlrd. teńge bolatyn bul joba onkologiialyq aýrýlardy erte anyqtaýǵa, derttiń taralý deńgeiin baǵalaýǵa, emdeý tiimdiligin baqylaýǵa múmkindik beredi. Turǵyndarymyz endigide Astana, Almaty qalalaryna, shetelderge barmai-aq, sapaly meditsinalyq qyzmetterdi jergilikti jerde alady.
El igiligine tabystalatyn meditsinalyq ortalyq dárigerleri kelýshilerge qyzmet etip, naýqastyń dertine daýa, kóńiline raýan berip, halyqtyń yqylasyna bólenedi dep senemiz. Jaýapkershiligi joǵary salada ýaqytpen sanaspai, kúni-túni jasaǵan qyzmetterińiz tabysty, mártebelerińiz biik bolǵai!», – dedi N.Nálibaev.
Ashylý rásiminde Aqmaral Álnazarova, Álibek Qýantyrov sóz sóilep, sala ardageri Abdýlla Shúlenbaev bata berdi. Aimaqtyń densaýlyq saqtaý salasynyń damýyna úles qosqan azamattar oblys ákiminiń Alǵys hatymen marapattaldy.
Aita keteiik, meditsinalyq ortalyqtyń jyldyq jobalyq qýaty aitarlyqtai joǵary. Munda jylyna 3 500 pozitrondy-emissiialyq jáne kompiýterlik tomografiia zertteýi júrgiziledi. Sonymen qatar, 16 000 magnittik-rezonanstyq tomografiia, 20 000 kompiýterlik tomografiia, 25 000 rentgenologiialyq zertteý jáne 10 000 mammografiia jasaýǵa múmkindik bar.
Qyzylorda qalasyndaǵy ortalyq – Orhun Medical kompaniiasynyń Qazaqstan óńirlerinde joǵary tehnologiialyq onkologiialyq kómekti damytýǵa baǵyttalǵan jobasynyń ekinshi kezeńi. Ulytaý, Túrkistan, Aqtóbe turǵyndaryna da qyzmet kórsetedi. Birinshi kezeńde Aqtaý qalasynda osyndai ortalyq iske qosylǵan. Zertteýler tegin meditsinalyq kómektiń kepildendirilgen kólemi aiasynda júrgiziledi.
Budan bólek, meditsinalyq ortalyqta MRT, KT, rentgenografiia, mammografiia, ýltradybystyq diagnostika, beiindi mamandardyń keńesteri, zerthanalyq zertteýler jáne emshara bólmeleriniń qyzmetteri halyqqa qoljetimdi bolady.
