Qazaqstan azamaty Bishkekte balalar saýdasy jáne kámeletke tolmaǵandarǵa qarsy qylmystar úshin sottaldy, dep habarlaıdy Dala News.

«2026 jylǵy 12 naýryzda Bishkek qalasynyń Pervomaı aýdandyq sotynyń úkimimen aıyptalýshylar kináli dep tanylyp, QR azamaty „A.A.“ 12 jylǵa, Qyrǵyzstan azamaty „S.S.“ 11 jylǵa bas bostandyǵynan aıyryldy, múlki tárkilendi», – delingen UQK resmı habarlamasynda.

UQK málimetinshe, 2024 jyldyń qyrkúıeginde kámeletke tolmaǵandardy Qazaqstannan zańsyz áketý arnasynyń joly kesilgen.

Kúdiktiler sheteldik azamatpen sóz baılasyp, aqsha úshin balalardy berip otyrǵan.

Sondaı-aq balalarǵa qatysty zańsyz áreketter jasalyp, olar messendjerler arqyly taratylǵany anyqtalǵan.

İs fıgýranttary ustalyp, tergeý ızolátoryna qamalǵan.

UQK mundaı qylmystar úshin qylmystyq jaýapkershilik qarastyrylǵanyn eske saldy.