Aqtóbe qalasynda Ábilqaiyr han dańǵylynda ornalasqan 6 qabatty ákimshilik ǵimarattyń shatyrynda órt shyqqany belgili boldy, dep habarlaidy Dala News.
Tótenshe jaǵdailar ministrliginiń málimetinshe, alǵashqy bólimsheler kelgen sátte ashyq janý anyqtalǵan. Órt sóndirýshiler joǵary shaqyrtý rangy boiynsha jumys istep jatqany aityldy.
Vedomstvonyń deregine sáikes, oqiǵa ornyna tótenshe jaǵdailar departamentiniń kúshteri men quraldary bes minýt ishinde jetken. Qazirgi ýaqytta órtti sóndirý jumystary júrgizilip, órt sóndirý oqpandary berilgeni, sýdyń úzdiksiz jetkizilýi qamtamasyz etilgeni habarlandy.
Sondai-aq adamdardy evakýatsiialaý júrgizilip jatqany, oqiǵa ornynda jedel shtab qurylǵany naqtylandy.
Aldyn ala málimet boiynsha, 112 nómirine zardap shekkender týraly aqparat túspegen. Órttiń aýmaǵy anyqtalyp jatqany aityldy.
