اقتوبە قالاسىندا ءابىلقايىر حان داڭعىلىندا ورنالاسقان 6 قاباتتى اكىمشىلىك عيماراتتىڭ شاتىرىندا ءورت شىققانى بەلگىلى بولدى، دەپ حابارلايدى Dala News.
توتەنشە جاعدايلار مينيسترلىگىنىڭ مالىمەتىنشە، العاشقى بولىمشەلەر كەلگەن ساتتە اشىق جانۋ انىقتالعان. ءورت سوندىرۋشىلەر جوعارى شاقىرتۋ رانگى بويىنشا جۇمىس ىستەپ جاتقانى ايتىلدى.
ۆەدومستۆونىڭ دەرەگىنە سايكەس، وقيعا ورنىنا توتەنشە جاعدايلار دەپارتامەنتىنىڭ كۇشتەرى مەن قۇرالدارى بەس مينۋت ىشىندە جەتكەن. قازىرگى ۋاقىتتا ءورتتى ءسوندىرۋ جۇمىستارى جۇرگىزىلىپ، ءورت ءسوندىرۋ وقپاندارى بەرىلگەنى، سۋدىڭ ۇزدىكسىز جەتكىزىلۋى قامتاماسىز ەتىلگەنى حابارلاندى.
سونداي-اق ادامداردى ەۆاكۋاسيالاۋ جۇرگىزىلىپ جاتقانى، وقيعا ورنىندا جەدەل شتاب قۇرىلعانى ناقتىلاندى.
الدىن الا مالىمەت بويىنشا، 112 نومىرىنە زارداپ شەككەندەر تۋرالى اقپارات تۇسپەگەن. ءورتتىڭ اۋماعى انىقتالىپ جاتقانى ايتىلدى.
