Májilis depýtaty Ashat Aimaǵambetov ǵylymi qalashyqtar men ǵylymi-tehnologiialyq parkterge qatysty mańyzdy túzetýler qabyldanǵanyn málimdedi, dep habarlaidy Dalanews.kz.
Onyń aitýynsha, bul bastama Qasym-Jomart Toqaev bergen tapsyrmany oryndaý maqsatynda qolǵa alynǵan. Depýtat jumys toby atalǵan baǵytty jan-jaqty zerttep, arnaiy zań jobasyn ázirlegenin atap ótti.
Aimaǵambetovtiń sózinshe, qujatta alǵash ret «ǵylymi-innovatsiialyq aýmaq» uǵymy engiziledi. «Ol jeke eldi meken – ǵylym qalasy (mysaly, Kýrchatov) nemese ǵylymi-tehnologiialyq park formatynda bolýy múmkin», – dedi ol.
Depýtat mundai aýmaqtar ǵylym, bilim jáne óndiris toǵysatyn ortaǵa ainalatynyn jetkizdi. Onyń aitýynsha, bul jerde investitsiia tartýǵa jáne jańa tehnologiialardy engizýge barlyq jaǵdai jasalady.
Sondai-aq zań jobasynda jeńildikter men arnaiy qoldaý tetikteri qarastyrylǵan. Aimaǵambetov «ǵylymi-zertteý jáne tájiribelik-konstrýktorlyq jumystardy qarjylandyrý, innovatsiialarǵa memlekettik qoldaý, sondai-aq arnaiy ekonomikalyq aimaq mártebesin alý múmkindigi bir paketke biriktiriledi» dep túsindirdi.
Onyń sózinshe, bul bastama zertteýden bastap óndiris pen kommertsiialandyrýǵa deiingi tolyq ekojúie qalyptastyrýǵa baǵyttalǵan.
Depýtat zań jobasyn ázirleý barysynda túrli pikirtalastar men qarsylyqtar bolǵanyn jasyrmady. Soǵan qaramastan, Amanat fraktsiiasy depýtattarynyń bastamasymen qujat daiyndalǵan.
Aimaǵambetovtiń sózinshe, endigi maqsat – zań jobasyn qabyldap, onyń tiimdi iske asýyn qamtamasyz etý ekenin aitty.
Sonymen qatar ol bul baǵytta naqty jumystar bastalyp ketkenin atap ótti. Atap aitqanda, Berik Ýáli jetekshilik etetin Abai oblysy ákimdigi Kýrchatov qalasy boiynsha keshendi jospar jobasyn ázirlep, ony oblystyq ǵylym keńesinde qaraǵan.
