Batys Qazaqstan oblysynyń turǵyny avtokóligin avtosalon arqyly satý kezinde kelisimshart talaptarynyń óreskel buzylýyna tap boldy, dep habarlaıdy Dala News.

Azamat 2 aqpanda avtosalonmen úshjaqty kelisimshart jasasqan. Qujat boıynsha salon kólikti úshinshi tulǵaǵa satyp, 10 jumys kúni ishinde 4,8 mln teńgeni ıesine aýdarýy tıis bolǵan. Jalpy mámile quny – 5,15 mln teńge, onyń 350 myń teńgesi avtosalonnyń syıaqysy retinde qarastyrylǵan.

Kólik sol kúni satyp alýshyǵa berilgenimen, 13 aqpanǵa deıin aqsha túspegen. Keıin de salon qyzmetkerleri túrli syltaýlar aıtyp, tólemdi keshiktire bergen.

17 aqpanda azamat Tutynýshylardyń quqyqtaryn qorǵaý departamentine júginip, dosýdebnaıa shaǵym daıyndaǵan. Alaıda avtosalon qyzmetkerleri shaǵymdy qabyldaýdan bas tartqan.

Tek ótinish «Qazposhta» arqyly jiberilgennen keıin ǵana, sol kúni keshke qarajat tolyq kólemde klıenttiń shotyna túsken.

Osylaısha, avtosalon kelisimshart talaptaryn buzyp qana qoımaı, klıenttiń zańdy talaptaryn elemegen.

Bul jaǵdaı mamandardyń aıtýynsha, óz quqyǵyn bilýdiń jáne ony talap etýdiń qanshalyqty mańyzdy ekenin kórsetedi.