باتىس قازاقستان وبلىسىنىڭ تۇرعىنى اۆتوكولىگىن اۆتوسالون ارقىلى ساتۋ كەزىندە كەلىسىمشارت تالاپتارىنىڭ ورەسكەل بۇزىلۋىنا تاپ بولدى، دەپ حابارلايدى Dala News.
ازامات 2 اقپاندا اۆتوسالونمەن ءۇشجاقتى كەلىسىمشارت جاساسقان. قۇجات بويىنشا سالون كولىكتى ءۇشىنشى تۇلعاعا ساتىپ، 10 جۇمىس كۇنى ىشىندە 4،8 ملن تەڭگەنى يەسىنە اۋدارۋى ءتيىس بولعان. جالپى مامىلە قۇنى – 5،15 ملن تەڭگە، ونىڭ 350 مىڭ تەڭگەسى اۆتوسالوننىڭ سىياقىسى رەتىندە قاراستىرىلعان.
كولىك سول كۇنى ساتىپ الۋشىعا بەرىلگەنىمەن، 13 اقپانعا دەيىن اقشا تۇسپەگەن. كەيىن دە سالون قىزمەتكەرلەرى ءتۇرلى سىلتاۋلار ايتىپ، تولەمدى كەشىكتىرە بەرگەن.
17 اقپاندا ازامات تۇتىنۋشىلاردىڭ قۇقىقتارىن قورعاۋ دەپارتامەنتىنە جۇگىنىپ، دوسۋدەبنايا شاعىم دايىنداعان. الايدا اۆتوسالون قىزمەتكەرلەرى شاعىمدى قابىلداۋدان باس تارتقان.
تەك ءوتىنىش «قازپوشتا» ارقىلى جىبەرىلگەننەن كەيىن عانا، سول كۇنى كەشكە قاراجات تولىق كولەمدە كليەنتتىڭ شوتىنا تۇسكەن.
وسىلايشا، اۆتوسالون كەلىسىمشارت تالاپتارىن بۇزىپ قانا قويماي، كليەنتتىڭ زاڭدى تالاپتارىن ەلەمەگەن.
بۇل جاعداي مامانداردىڭ ايتۋىنشا، ءوز قۇقىعىن ءبىلۋدىڭ جانە ونى تالاپ ەتۋدىڭ قانشالىقتى ماڭىزدى ەكەنىن كورسەتەدى.
