Ánshi Gúlnár Sıqymbaevanyń jalǵyz uly óli tabyldy. Polısıa qaıǵyly oqıǵaǵa qatysty pikir bildirdi, dep habarlaıdy Dalanews.kz.
Almaty qalasy Polısıa departamentiniń baspasóz qyzmeti málimetinshe, keshe Bostandyq aýdanynda er adamnyń zorlyq-zombylyq belgileri joq máıiti tabylǵan.
"Oqıǵanyń mán-jaıy anyqtalyp jatyr", - dedi polısıa.
Eske salaıyq, buǵan deıin ánshi Gúlnár Sıqymbaevanyń jalǵyz uly birneshe kúnnen beri tabylmaı jatqanyn jazdyq. Bul týraly onyń jary Uljan Sháripbekova málimdedi.
Uljan Sháripbekova "Barmysyń, baýyrym?" radıobaǵdarlamasynda kúıeýin izdestirip jatqanyn jetkizdi. Onyń sózinshe, Baır Sıqymbaev 24 naýryzda shamamen saǵat 13:00-de úıden shyǵyp ketip, sodan beri qaıta oralmaǵan. Keıin ony izdeý bastalyp, polısıaǵa da resmı túrde habar berilgen.
Búgin er adam óli tabylǵany belgili boldy.
