Astanada Mádenıet jáne aqparat mınıstrligi janyndaǵy Qoǵamdyq keńester úılestirý ortalyǵynyń otyrysynda jańa Konstıtýsıa jobasy qoldaý tapty, dep habarlaıdy Dala News.
Jıynǵa Úılestirý ortalyǵynyń músheleri, respýblıkalyq jáne óńirlik qoǵamdyq keńesterdiń tóraǵalary, sondaı-aq ýákiletti memlekettik organdardyń ókilderi qatysty.
Otyrysta jańa Konstıtýsıa jobasynyń negizgi baǵyttary talqylanyp, memlekettik saıasatty qalyptastyrýǵa azamattardyń qatysýyn keńeıtý máselesine basymdyq berildi. Qatysýshylar Ata zań jobasyn qoldaı otyryp, memlekettik basqarý júıesinde azamattyq qoǵam ınstıtýttarynyń rólin kúsheıtý qajettigin atap ótti.
Sonymen qatar qoǵamdyq keńester qyzmetiniń tıimdiligin arttyrý, olardyń sheshim qabyldaý úderisine yqpalyn kúsheıtý jáne ashyqtyqty qamtamasyz etý tetikteri qarastyryldy.
