استانادا مادەنيەت جانە اقپارات مينيسترلىگى جانىنداعى قوعامدىق كەڭەستەر ۇيلەستىرۋ ورتالىعىنىڭ وتىرىسىندا جاڭا كونستيتۋسيا جوباسى قولداۋ تاپتى، دەپ حابارلايدى Dala News.
جيىنعا ۇيلەستىرۋ ورتالىعىنىڭ مۇشەلەرى، رەسپۋبليكالىق جانە وڭىرلىك قوعامدىق كەڭەستەردىڭ ءتوراعالارى، سونداي-اق ۋاكىلەتتى مەملەكەتتىك ورگانداردىڭ وكىلدەرى قاتىستى.
وتىرىستا جاڭا كونستيتۋسيا جوباسىنىڭ نەگىزگى باعىتتارى تالقىلانىپ، مەملەكەتتىك ساياساتتى قالىپتاستىرۋعا ازاماتتاردىڭ قاتىسۋىن كەڭەيتۋ ماسەلەسىنە باسىمدىق بەرىلدى. قاتىسۋشىلار اتا زاڭ جوباسىن قولداي وتىرىپ، مەملەكەتتىك باسقارۋ جۇيەسىندە ازاماتتىق قوعام ينستيتۋتتارىنىڭ ءرولىن كۇشەيتۋ قاجەتتىگىن اتاپ ءوتتى.
سونىمەن قاتار قوعامدىق كەڭەستەر قىزمەتىنىڭ تيىمدىلىگىن ارتتىرۋ، ولاردىڭ شەشىم قابىلداۋ ۇدەرىسىنە ىقپالىن كۇشەيتۋ جانە اشىقتىقتى قامتاماسىز ەتۋ تەتىكتەرى قاراستىرىلدى.
