Tsifrlyq ekonomikany damytýǵa jaýapty bolýy tiis kompaniianyń qyzmetine qatysty suraqtar týyndap otyr, dep habarlaidy Dala News.
Áńgime «Tsifrlyq ekonomikany damytý ortalyǵy» JShS (TsRTsE) týraly bolyp otyr. Ashyq derekterge sáikes, kompaniia 2005 jyldan beri jumys isteidi, keiin «Qazaqtelekom» kompaniiasynyń enshiles uiymyna ainalǵan. Ol shamamen 470 mln teńgege satyp alynǵany aitylady.
2020 jyly TsRTsE tsifrlyq tańbalaý boiynsha ulttyq operator mártebesin alǵan. Iaǵni, kompaniia taýarlarǵa qoiylatyn arnaiy kodtar arqyly olardyń zańdy ainalymda ekenin rastaýǵa jaýap beredi. Alaida dál osy uiymnyń ne sebepti tańdalǵany týraly naqty aqparat jariialanbaǵany atap ótiledi.
Qaznette taraǵan málimetterge sáikes, 2021 jyly kompaniia aýqymdy tańbalaý júiesin engizýdi jariialaǵan kezde kórsetkishter aitarlyqtai optimistik bolǵan. Atap aitqanda, kóleńkeli naryqty 70–80%-ǵa qysqartý, ekonomikaǵa 900 mlrd teńgege deiin qosymsha úles qosý, adal biznestiń tabysyn 11,3%-ǵa arttyrý, sondai-aq biýdjetke jyl saiyn 100 mlrd teńgege deiin salyq túsimderin ulǵaitý josparlanǵany aitylǵan.
Alaida keiinnen kompaniia qyzmetinde tómendeý baiqalǵany aitylady. Sonymen qatar qarjylyq eseptilik pen memlekettik kelisimsharttarǵa qatysty málimetterdiń ashyq qoljetimdi bolmaýy, keibir siltemelerdiń jumys istemeýi aqparat alýdy qiyndatqany kórsetiledi.
