تسيفرلىق ەكونوميكانى دامىتۋعا جاۋاپتى بولۋى تيٸس كومپانييانىڭ قىزمەتٸنە قاتىستى سۇراقتار تۋىنداپ وتىر, دەپ حابارلايدى Dala News.
ەڭگٸمە «تسيفرلىق ەكونوميكانى دامىتۋ ورتالىعى» جشس (تسرتسە) تۋرالى بولىپ وتىر. اشىق دەرەكتەرگە سەيكەس, كومپانييا 2005 جىلدان بەرٸ جۇمىس ٸستەيدٸ, كەيٸن «قازاقتەلەكوم» كومپانيياسىنىڭ ەنشٸلەس ۇيىمىنا اينالعان. ول شامامەن 470 ملن تەڭگەگە ساتىپ الىنعانى ايتىلادى.
2020 جىلى تسرتسە تسيفرلىق تاڭبالاۋ بويىنشا ۇلتتىق وپەراتور مەرتەبەسٸن العان. ياعني, كومپانييا تاۋارلارعا قويىلاتىن ارنايى كودتار ارقىلى ولاردىڭ زاڭدى اينالىمدا ەكەنٸن راستاۋعا جاۋاپ بەرەدٸ. الايدا دەل وسى ۇيىمنىڭ نە سەبەپتٸ تاڭدالعانى تۋرالى ناقتى اقپارات جارييالانباعانى اتاپ ٶتٸلەدٸ.
قازنەتتە تاراعان مەلٸمەتتەرگە سەيكەس, 2021 جىلى كومپانييا اۋقىمدى تاڭبالاۋ جٷيەسٸن ەنگٸزۋدٸ جارييالاعان كەزدە كٶرسەتكٸشتەر ايتارلىقتاي وپتيميستٸك بولعان. اتاپ ايتقاندا, كٶلەڭكەلٸ نارىقتى 70–80%-عا قىسقارتۋ, ەكونوميكاعا 900 ملرد تەڭگەگە دەيٸن قوسىمشا ٷلەس قوسۋ, ادال بيزنەستٸڭ تابىسىن 11,3%-عا ارتتىرۋ, سونداي-اق بيۋدجەتكە جىل سايىن 100 ملرد تەڭگەگە دەيٸن سالىق تٷسٸمدەرٸن ۇلعايتۋ جوسپارلانعانى ايتىلعان.
الايدا كەيٸننەن كومپانييا قىزمەتٸندە تٶمەندەۋ بايقالعانى ايتىلادى. سونىمەن قاتار قارجىلىق ەسەپتٸلٸك پەن مەملەكەتتٸك كەلٸسٸمشارتتارعا قاتىستى مەلٸمەتتەردٸڭ اشىق قولجەتٸمدٸ بولماۋى, كەيبٸر سٸلتەمەلەردٸڭ جۇمىس ٸستەمەۋٸ اقپارات الۋدى قيىنداتقانى كٶرسەتٸلەدٸ.
