Aqmola oblysyndaǵy Staryi Kolýton aýyly ózen tasýyna bailanysty syrt álemnen oqshaýlanyp qaldy. Sý tasqyny kezinde eldi mekende jergilikti turǵyn joǵalyp ketken, dep habarlaidy Dalanews.kz Tengrinews.kz-ke siltep.
Áleýmettik jelilerde taraǵan aqparatta aýyl sýmen qorshalǵany aitylǵan. Turǵyndardyń sózinshe, ótkeldiń jáne qalypty joldar joqtyǵy jumysqa qatynaýǵa, sondai-aq, azyq-túlik pen dári-dármek alýǵa kedergi keltirip otyr.
Osy jaǵdai kezinde bir er adam joǵalǵany belgili boldy. Aldyn ala málimet boiynsha ol tańerteń jumysqa ketip, sodan keiin bailanysqa shyqpaǵan.
Aqmola oblystyq Politsiia departamenti onyń joǵalýyna bailanysty sotaldy tergeý bastalǵanyn habarlady. Er adam úiden shyǵyp ketkeni anyqtalǵan. Politsiiaǵa onyń aǵasy júgingen. Qazir ony tabýǵa baǵyttalǵan izdestirý sharalary júrgizilip jatyr.
Tótenshe jaǵdailar departamenti izdeý jumystaryna qaiyqpen jumys isteitin eki súńgýir toby tartylǵanyn málimdedi.
