Asa iri kólemde sýbsidiia jymqyrý isi boiynsha 30 adam, onyń ishinde sheneýnikter men kásipkerler túrli merzimge sottaldy, dep habarlaidy Dala News.
«Qostanai qalasynyń №2 sotynda 30 aiyptalýshyǵa qatysty qylmystyq is qaraldy. Olardyń qatarynda “BEEFSTREAM” jáne “BEEF EXPORT GROUP” JShS direktory P., atalǵan seriktestikterdiń qyzmetkerleri, basqa JShS direktorlary, sharýa qojalyqtarynyń basshylary, jeke kásipker, veterinar dárigerler jáne oblys ákimdiginiń aýyl sharýashylyǵy basqarmasynyń qyzmetkerleri bar. Sot jaza taǵaiyndaý kezinde kópshiliginde kámeletke tolmaǵan balalarynyń bolýy, kinásin moiyndaýy jáne shynaiy ókinýi siiaqty jeńildetetin mán-jailardy eskerdi. Azamattyq talaptar qanaǵattandyryldy. Tárkilengen múlik boiynsha tyiym saqtaldy. 1,3 mln AQSh dollary, tórt myńnan astam eýro jáne 600 mln teńgeden astam qarajat memleket kirisine tárkilendi», – dep habarlady Qostanai qalasynyń №2 soty.
Sot dereginshe, 2021 jyldyń jeltoqsanynan 2023 jyldyń maýsymyna deiin aiyptalýshylar mal sharýashylyǵy men et óńdeý salasyna bólingen 2,5 mlrd teńgeden astam memlekettik sýbsidiiany jymqyrý shemasyn uiymdastyrǵan.
Sot úkimimen:
•“BEEFSTREAM” jáne “BEEF EXPORT GROUP” JShS direktory P. – 14 jylǵa
•JShS direktory R. – 10 jylǵa
•býhgalter D. – 9 jylǵa
•ózin-ózi jumyspen qamtyǵan P. – 9 jylǵa
•JShS direktory S. – 10 jylǵa
•veterinariialyq stantsiia qyzmetkeri S. – 8 jylǵa
•direktordyń orynbasary G. – 7 jylǵa
•qyzmetker A. – alty jylǵa
•sharýa qojalyǵynyń basshysy B. – 5 jylǵa
•sharýa qojalyǵynyń basshysy A. – 10 jylǵa
•veterinar dáriger S. – 5 jylǵa
•sharýa qojalyǵynyń basshysy S. – 5 jylǵa
•sharýa qojalyǵynyń basshysy K. – 6 jylǵa
•basqarma qyzmetkeri D. – 5 jyl 6 aiǵa
•jumysshy K. – úsh jyldan astam merzimge bas bostandyǵynan aiyryldy.
Sonymen qatar, birqatar aiyptalýshyǵa raqymshylyqqa bailanysty jaza bir jyldan tórt jylǵa deiin shartty túrde qysqartyldy, keibiri negizgi jazadan bosatylǵan.
Basqarma mamany E.-ge para alý baby boiynsha 3 jyl 6 ai jaza taǵaiyndalyp, ol 5 jylǵa keiinge shegerildi.
Sondai-aq veterinar dáriger F. kináli dep tanylǵanymen, onyń qaitys bolýyna bailanysty is toqtatyldy.
Sot málimetinshe, aiyptalýshylardyń áreketteri salyqtan jaltarý, uiymdasqan top qurý, biýdjet qarajatyn jymqyrý, zańsyz kásipkerlik, para alý jáne berý, qylmystyq jolmen alynǵan qarajatty zańdastyrý jáne basqa da baptar boiynsha saralanǵan.
Prokýror sottan eki jyldan 13 jylǵa deiin bas bostandyǵynan aiyrýdy suraǵan.
Úkim zańdy kúshine engen joq.
