Perizat Qairatqa tiesili bolǵan Mercedes-Benz avtokóligi memleket menshigine ótti, dep habarlaidy Dala News.
Málimetke sáikes, qara tústi Mercedes-Benz S450 2024 jyly shyǵarylǵan kólik aýktsionǵa qoiylǵan. Memlekettik nómiri – 777KPK01.
Avtokóliktiń bastapqy baǵasy 79,4 mln teńge bolǵan. Alaida kólik memlekettik uiymnyń balansyna 0 teńgege berilgen.
Qazirgi tańda atalǵan kólik memlekettik qajettilikter úshin paidalanylatyny aityldy.
Aita keteiik, buǵan deiin Perizat Qairat isi aiasynda tárkilengen quny 79 mln teńgeden asatyn Lexus LX600 avtokóligi Qarjylyq monitoring agenttiginiń balansyna berilgen bolatyn.
Tergeý derekterine sáikes, atalǵan múlikter qaiyrymdylyq retinde jinalǵan qarajatty jymqyrý jáne jylystatý isine bailanysty tárkilengen. Kei aktivter aiyptalýshynyń týystarynyń atyna rásimdelgen.
Basqa tárkilengen aktivterdiń taǵdyry ázirge anyqtalǵan joq.
