Pavlodarda 10 jáne 11 jastaǵy eki qyzǵa jynystyq zorlyq kórsetken 48 jastaǵy er adam ómir boiyna bas bostandyǵynan aiyryldy. Qyzdardyń ekeýinde de múgedektik bar jáne olar úiden oqyǵan. Oqiǵadan keiin balalardyń AITV juqtyrǵan, dep habarlaidy dalanews.kz.
Memlekettik aiyptaý tarapynyń málimetinshe, oqiǵa 2025 jyldyń kókteminde bolǵan. Sottalǵan er adam 2018 jyldan beri qyzdardyń anasymen qarym-qatynasta bolǵan. Áiel balalaryn birneshe ret onyń qaraýyna qaldyrǵan.
Qylmys bolǵan kúni qyzdardyń anasy úide bolmaǵan. Al er adam masań kúide bolǵan. Sot protsesinde aiyptalýshy jaýap berýden bas tartqan. Osyǵan bailanysty memlekettik aiyptaý tarapynyń málimetinshe, sotta onyń qylmys jasalǵan kezde óziniń AITV mártebesi týraly bilgen-bilmegenin anyqtaý múmkin bolmaǵan.
Sot isti qarap, er adamdy ómir boiyna bas bostandyǵynan aiyrý týraly úkim shyǵardy.
