Politsiia Almatyda qoǵamdyq tártipti baqylaýdy kúsheitti, dep habarlaidy Dalanews.kz.
Qalada qoǵamdyq tártipti qamtamasyz etý jáne qaýipsizdik deńgeiin arttyrý maqsatynda "Zań jáne tártip: qaýipsiz qala" atty jedel aldyn alý is-sharasy bastaý aldy. Osy is-shara aiasynda politsiia qyzmetkerleri azamattar kóp shoǵyrlanatyn oryndarda - jaiaý júrginshiler kóshelerinde, saiabaqtarda, jol qiylystarynda, sondai-aq, qoǵamdyq tamaqtaný oryndarynyń mańynda reidtik is-sharalar júrgizip jatyr.
Qoǵamdyq oryndarda qaiyr suraý jáne qoǵamdyq tártipke nuqsan keltiretin ózge de zańbuzýshylyqtar erekshe baqylaýǵa alynǵan. Is-shara barysynda azamattardyń jeke basy anyqtalyp, olardyń Qazaqstan Respýblikasynyń aýmaǵynda bolý zańdylyǵy tekseriledi. Sonymen qatar, kámeletke tolmaǵandardyń zańdy ókilderiniń áreketine quqyqtyq baǵa beriledi.
"Quqyq buzýshylyqtar anyqtalǵan jaǵdaida qoldanystaǵy zańnamaǵa sáikes tiisti sharalar qabyldanady: quqyqbuzýshylar ákimshilik jaýapkershilikke tartylady, kámeletke tolmaǵandar arnaiy mekemelerge ornalastyrylady, al shetel azamattary zańdy negizder bolǵan jaǵdaida sot sheshimimen el aýmaǵynan shyǵarylady", – dedi Almaty qalasy Politsiia departamenti qoǵamdyq qaýipsizdik basqarmasynyń bastyǵy Timýr Noǵaibaev.
Aita keteiik, buǵan deiin áleýmettik jelide daý týǵyzatyn video tarady. Videoda kishkentai qyzdar saiabaqtaǵy adamdarǵa tiiskeni, aqsha surap, bermese, zattaryn tartyp alǵany, urǵany aityldy. Keiin olar elden shyǵaryldy.
