Qazaqstanda bıologıalyq belsendi qospalardy (BAD) sıfrlyq tańbalaý engizý josparlanyp otyr. Bul bastama ónim aınalymyn baqylaýdy kúsheıtýge baǵyttalǵan, dep habarlaıdy Dalanews.kz.
Tıisti qujat Ashyq NQA saıtynda jarıalandy. Áńgime Saýda jáne ıntegrasıa mınıstriniń taýarlardy mindetti tańbalaýǵa engizý týraly buıryq jobasy jaıynda bolyp otyr.
Qujatqa sáıkes, BAD ónimderin mindetti sıfrlyq tańbalaý 2026 jyldyń qyrkúıeginen bastap engizilýi múmkin.
Joba avtorlarynyń túsindirýinshe, bul júıe birneshe mańyzdy máseleni sheshýge kómektesedi. Atap aıtqanda, ol zańsyz aınalym men kontrafakti ónim kólemin azaıtýǵa, salyq túsimderin arttyrýǵa jáne naryqtaǵy básekelestikti ádil etýge múmkindik beredi.
Osylaısha, jańa talap BAD naryǵyn ashyq ári baqylanatyn etýge baǵyttalǵan.
