Atalǵan tapsyrmany oidaǵydai oryndaǵan mańyzdy. Osy maqsatta Qyzyljar óńirinde M. Qozybaev atyndaǵy oqý orny men AQSh-tyń Arizon ýniversiteti qos diplomdy baǵdarlamany júzege asyrýdy bastap ketti.
Ýniversitet tabaldyryǵyn attaǵan alǵashqy kýrs stýdentterin quttyqtaýǵa elimizdiń Ǵylym ministri Saiasat Nurbek, SQO ákimi Qumar Aqsaqalov jáne Arizona ýniversitetiniń vitse-prezidenti Lizl Foks bastaǵan delegatsiia arnaiy keldi.
"Búgin oqý ornynyń tarihyndaǵy este qalarlyq erekshe kún, mańyzdy sát. Arizona ýniversitetimen birlesken qos diplomdy bilim alý baǵdarlamasy bastaý aldy. Bul ýniversitet álemdegi eń úzdik oqý oryndarynyń biri, buǵan qol jetkizý úshin kóp ter tóktik, sheteldik áriptestermen kelissóz júrgizdik. Osynaý joba bilim-ǵylym salasynan bólek, óńirdiń damýyna da sharapatyn tigizedi", – dedi sharanyń shymyldyǵyn túrgen Qumar Aqsaqalov.
Halyqaralyq baǵdarlamaǵa birinshi kýrsqa aiaq basqan 170 stýdent iriktelip alynǵan, olardyń barlyǵy arnaiy memlekettik granttyń jeńimpazdary. Budan bylai jyl saiyn osy baǵyt boiynsha 500 grant bólinip otyrmaq.
Stýdentter úsh jyl óz elimizde bilim alsa, tórtinshi kýrsty Arizonada támámdaityn bolady. Oqý bitirgen túlekter qos diplom iegeri atanady.
"AQSh-tyń alpaýyt oqý ornymen bailanys ornatqan bizdiń óńirdiń tartymdylyǵy artyp, oblysqa jas kadrlar aǵylady degen senimdemiz. Qazirdiń ózinde oń úrdis baiqalady. Jańa halyqaralyq baǵdarlama boiynsha bilim alýǵa elimizdiń 7 óńirinen izdenimpaz, alǵyr jastar arnaiy kelgen", – dedi osy oraida aimaq basshysy.
M. Qozybaev atyndaǵy ýniversitet óz kezeginde oqý ornynyń infraqurylymdaryn jetildirý ústinde. Qazir ǵylymi zertteý korpýsynyń qurylysy júrip jatyr.
Ol aiaqtalǵan sátte munda 70-ke jýyq ǵylymi, tanymdyq jáne virtýaldy zerthanalar ornalasatyn bolady. Budan syrt aldaǵy ýaqytta ýniversitet stýdentterine arnap 1,4 myń orynǵa laiyqtalǵan 3 jatahana boi kóteredi.
