Parlamenttiń tómengi palatasynyń jalpy otyrysynda «Qazaqstan Respýblikasynyń keibir zańnamalyq aktilerine kinematografiia, mádeniet jáne merekeler máseleleri boiynsha ózgerister men tolyqtyrýlar engizý týraly» Qazaqstan Respýblikasy Zańynyń jobasy qaralmaq.
«1 jeltoqsan – Tuńǵysh Prezident kúnin merekeleýdi memlekettik rámizder kúni, Alǵys aitý kúni siiaqty ataýly kúnderge jáne memlekettik merekeler tizbesinen alyp tastap, áleýmettik mańyzy joǵary, áleýeti joǵary basqa da datalarǵa uqsas etip belgileý usynylady», – delingen qujatta.
Májilistiń Áleýmettik-mádeni damý komitetiniń qorytyndysyna sáikes, zań jobasy, atap aitqanda, Qazaqstan Respýblikasynda jáne odan tys jerlerde áleýmettik mańyzy bar jáne mádeni is-sharalardy uiymdastyrý men ótkizýdi retteýdi kózdeidi.
Sonymen Memleket basshysynyń 2022 jylǵy 16 maýsymdaǵy Ulttyq Quryltai otyrysynda bergen tapsyrmasyn oryndaý maqsatynda depýtattar «Qazaqstan Respýblikasyndaǵy merekeler týraly» Qazaqstan Respýblikasynyń Zańyna mynadai ózgerister men tolyqtyrýlar engizdi:
25 qazandy memlekettik mereke – Respýblika kúni;
16 jeltoqsan – Táýelsizdik kúni memlekettik mereke retinde bekitilsin.
Sonymen qatar 1 jeltoqsan – Tuńǵysh Prezident kúni memlekettik merekeler tiziminen alynyp tastalyp, ataýly kúnder retinde belgilenbek.
