Túrkistan oblysynda turǵyndardy baspanamen qamtý isi qarqyndy. Bul rette Túrkistan qalasy ákimdigi turǵyn úi qurylys jumystary men sapasyn baqylaýdy qarqyndy júzege asyryp keledi,- dep habarlaidy Dalanews.kz
Qala ákimi Ázimbek Pazylbekuly qala aýmaǵynda salynyp jatqan birqatar turǵyn úi keshenderiniń qurylys barysymen tanysty.
Qazirgi tańda qala aýmaǵynda jalpy sany 57 turǵyn úi salynyp jatyr. Onyń 42-si – kredittik negizde, 15-i áleýmettik baǵytta boi kóteredi.
Ázimbek Pazylbekuly aralaý barysynda Ákimshilik-iskerlik ortalyǵynda ornalasqan «Jibek joly» turǵyn úi keshenindegi, «Otyrar» shaǵyn aýdanyndaǵy 5 qabatty turǵyn úiler men «Inter» JShS tarapynan salynyp jatqan, sondai-aq, ainalma jol boiynda boi kóterip jatqan kópqabatty turǵyn úilerdiń qurylys barysymen tanysty.
Jalpy jyl sońyna deiin 117 718 sharshy metrdi quraityn 37 turǵyn úi – 1982 páterdiń qurylysy tolyq aiaqtalyp, qyrkúiek-jeltoqsan ailarynda «Otbasy bank» arqyly kezektegi azamattarǵa zańǵa sáikes kezeń-kezeńimen beriledi.
