2025 jyl – tehnologiia men adamzat qajettiliginiń túiisken, jańa kásipterge jol ashatyn jyl bolǵaly tur. Jahandyq eńbek naryǵynda jasandy intellekt (JI), kiberqaýipsizdik, derekterdi taldaý, tsifrlyq meditsina, EdTech, ekologiia jáne robototehnika sekildi baǵyttar aldyńǵy orynǵa shyǵyp keledi,- dep habarlaidy Dalanews.kz
JI – jańa býyn kásipterdiń negizi
Jasandy intellekt injenerleri – 2025 jyldyń eń suranysqa ie mamandarynyń biri. Olar túrli salalardaǵy kúrdeli máselelerdi sheshý úshin algoritmder ázirlep, mashinalyq oqytý modelderin tájiribege engizedi. Máselen, JI usynys júielerinde paidalanýshy talǵamyn boljai alady, aýdarma quraldaryna tildik óńdeý beredi nemese avtokólik óndirisinde kórý júielerin basqarady. Bul saladaǵy mamandar tek tehnikalyq bilimmen shektelmei, derekterdi taldaý, logikalyq oilaý jáne shyǵarmashylyq qabiletti qatar damytýy tiis.
Tsifrlyq qaýipsizdik – senimdi bolashaq kepili
Kiberqaýipsizdik te – 2025 jyly asa mańyzdy bolatyn mamandyqtardyń biri. Álem tsifrlanýǵa bet burǵan saiyn kompaniialar derekterdi qorǵaýǵa erekshe mán berip otyr. Energetika, kólik, óndiris, densaýlyq saqtaý, tipti bilim berý salalary da tsifrlyq júiege táýeldi. Mundai jaǵdaida hakerlik shabýyldar qaýip-qater tóndirip qana qoimai, qoǵam qaýipsizdigine de áser etýi múmkin. Sondyqtan kibershabýyldarǵa tótep bere alatyn sarapshylarǵa suranys kúrt artýda.
AI-Sana: Qazaqstandaǵy AI-bilim berýdiń jańa kezeńi
Qazaqstanda da bul úrdisterden tys qalmaý úshin aýqymdy sharalar qolǵa alynýda. Memleket basshysynyń tapsyrmasyna sáikes, Úkimet 2024 jyldyń jeltoqsanynda AI-Sana atty innovatsiialyq bilim berý baǵdarlamasyn iske qosty. Bul baǵdarlama 650 myń stýdentti jasandy intellekt negizderimen tanystyryp, bolashaqqa qajetti daǵdylarmen qarýlandyrýdy kózdeidi.
Jýyrda Almatyda ótken AlmatyFair.ai 2025 kórmesinde «AI-Sana» taqyrybyna arnalǵan paneldik sessiia ótti. Onda QR Ǵylym jáne joǵary bilim ministrligi men jetekshi ýniversitetter ókilderi JI salasyn bilim berý júiesine engizýdiń mańyzyn talqylady.
QBTÝ rektory Maratbek Ǵabdýllin ýniversitettiń oqý baǵdarlamalary JI talaptaryna beiimdelip jatqanyn, al Satbayev University prorektory Raisa Óskenbaeva indýstriialyq seriktestermen birlesip, túlekterdiń naryqtaǵy básekege qabilettiligin arttyrý baǵytynda belsendi jumys júrgizilip jatqanyn aitty.
Ýniversitetterge JI-di engizý – ýaqyt talaby
Búgingi tańda joǵary oqý oryndary JI-di oqý baǵdarlamalaryna engizý arqyly túlekterdi tek teoriiamen emes, praktikalyq daǵdylarmen de qamtamasyz etýdi maqsat tutyp otyr. Mundai integratsiia stýdentterge:
-
Zamanaýi quraldarmen jumys isteýdi,
-
Úlken derekterdi saraptaýdy,
-
Algoritmder men modelderdi qurastyrýdy,
-
Tehnologiialyq sheshimderdi ázirleýdi úiretedi.
Sonymen qatar, bilim berý salasyndaǵy EdTech tehnologiialary da keńinen engizilýde. Bul oqytýdy jekelendirýge, onlain formatty tiimdi paidalanýǵa jáne stýdentterdiń tsifrlyq saýatyn arttyrýǵa yqpal etedi.
