Resei Federatsiiasynan júk kólikterin zańsyz tirkeýmen ainalysqan uiymdasqan qylmystyq toptyń sybailasy ekstraditsiialandy, dep habarlaidy Dalanews.kz.
Kúdikti «Azamattarǵa arnalǵan úkimet» memlekettik korporatsiiasy» KAQ-nyń mamany bola tura, uiymdasqan qylmystyq top quramynda 2022-2023 jyldar aralyǵynda avtokólik ielerin izdep taýyp, alǵashqy tirkeý alymdary boiynsha tólemder týraly kórineý jalǵan málimetterdi aqparattyq júiesine engizý arqyly olardyń kólik quraldaryn zańsyz tirkegen.
Qylmystyq is-áreketterdiń nátijesinde 481 kólik quraly zańsyz esepke qoiylyp, biýdjetke mindetti tólemderdiń túspeýi túrinde 3,7 mlrd teńgege asa iri mólsherdegi memleketke zalal keltirilgen.
Qylmystardy jasaǵannan keiin kúdikti jasyrynyp, halyqaralyq izdeýge jariialanǵan.
Biyl naýryz aiynda ol Máskeý oblysynda ustalyp, Qazaqstan Respýblikasy Bas prokýratýrasynyń suraýy boiynsha otanyna ekstraditsiialandy.
Qazirgi tańda kúdikti tergeý izoliatoryna qamaldy.
Qylmystyq zańnamaǵa sáikes oǵan taǵylǵan aiyp boiynsha múlki tárkilenip, 5 jyldan 10 jylǵa deiin merzimge bas bostandyǵynan aiyrý jazasy kózdelgen.
