رەسەي فەدەراسياسىنان جۇك كولىكتەرىن زاڭسىز تىركەۋمەن اينالىسقان ۇيىمداسقان قىلمىستىق توپتىڭ سىبايلاسى ەكستراديسيالاندى، دەپ حابارلايدى Dalanews.kz.
كۇدىكتى «ازاماتتارعا ارنالعان ۇكىمەت» مەملەكەتتىك كورپوراسياسى» كاق-نىڭ مامانى بولا تۇرا، ۇيىمداسقان قىلمىستىق توپ قۇرامىندا 2022-2023 جىلدار ارالىعىندا اۆتوكولىك يەلەرىن ىزدەپ تاۋىپ، العاشقى تىركەۋ الىمدارى بويىنشا تولەمدەر تۋرالى كورىنەۋ جالعان مالىمەتتەردى اقپاراتتىق جۇيەسىنە ەنگىزۋ ارقىلى ولاردىڭ كولىك قۇرالدارىن زاڭسىز تىركەگەن.
قىلمىستىق ىس-ارەكەتتەردىڭ ناتيجەسىندە 481 كولىك قۇرالى زاڭسىز ەسەپكە قويىلىپ، بيۋدجەتكە مىندەتتى تولەمدەردىڭ تۇسپەۋى تۇرىندە 3،7 ملرد تەڭگەگە اسا ءىرى مولشەردەگى مەملەكەتكە زالال كەلتىرىلگەن.
قىلمىستاردى جاساعاننان كەيىن كۇدىكتى جاسىرىنىپ، حالىقارالىق ىزدەۋگە جاريالانعان.
بيىل ناۋرىز ايىندا ول ماسكەۋ وبلىسىندا ۇستالىپ، قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديسيالاندى.
قازىرگى تاڭدا كۇدىكتى تەرگەۋ يزولياتورىنا قامالدى.
قىلمىستىق زاڭناماعا سايكەس وعان تاعىلعان ايىپ بويىنشا مۇلكى تاركىلەنىپ، 5 جىلدان 10 جىلعا دەيىن مەرزىمگە باس بوستاندىعىنان ايىرۋ جازاسى كوزدەلگەن.
