Atyraý oblysynda zeınetkerge shabýyl jasaǵan kúdikti ustaldy, dep habarlaıdy Dalanews.kz.

27 qazanda Jylyoı aýdandyq polısıa bólimine Qosshaǵyl aýylynyń turǵynynan shabýyl jóninde habarlama túsken. Belgisiz áıel úıge kirip, 62 jastaǵy úı ıesine qaraı ótkir ıisti suıyqtyq shashqan, sodan keıin zergerlik buıymdaryn urlap, oqıǵa ornynan jasyrynǵan.

"Jedel izdestirý sharalarynyń nátıjesinde polıseıler 55 jastaǵy kúdiktini anyqtap, ustady. Ol polısıa bólimine jetkizilip, ýaqytsha ustaý ızolátoryna qamaldy", - dedi İİM ókili.

Jábirlenýshige medısınalyq kómek kórsetilgennen keıin úıine jiberilgen, onyń ómiri men densaýlyǵyna qaýip tónip turǵan joq.

Bul derek boıynsha sotqa deıingi tergeý júrgizilip jatyr.