«Atameken» ulttyq kásipkerler palatasy men TikTok platformasynyń birlesken zertteýine sáıkes, 2024 jyly Qazaqstandaǵy shaǵyn jáne orta bıznes ókilderi áleýmettik jeli arqyly 219-dan 438 mlrd teńgege deıin tabys tapqan, dep habarlaıdy Dalanews.kz.
Zertteý nátıjesinde suralǵan 308 kásipkerdiń ár altynshysy óz tabysynyń kem degende jartysyn TikTok arqyly tapqanyn aıtqan. Kásipkerler platformany ónimin jarnamalaý, jańa klıent tartý jáne brend tanymaldylyǵyn arttyrý úshin tıimdi qural dep baǵalaıdy.
Zertteýge súıensek, TikTok-ty belsendi paıdalanyp otyrǵan kompanıalardyń tórtten biri Astana men Almaty qalalarynda ornalasqan. Bul qalalarda áleýmettik jeli arqyly bıznes júrgizý úrdisi erekshe damyp keledi.
Sarapshylardyń pikirinshe, TikTok búginde qazaqstandyq kásipkerler úshin tek jarnama quraly emes, naqty tabys kózine aınalǵan.
Eske salaıyq, buǵan deıin májilis depýtaty Janarbek Áshimjan kámeletke tolmaǵandarǵa TikTok-qa kirýge tyıym salýdy usynǵan bolatyn.
