«اتامەكەن» ۇلتتىق كاسىپكەرلەر پالاتاسى مەن TikTok پلاتفورماسىنىڭ بىرلەسكەن زەرتتەۋىنە سايكەس، 2024 جىلى قازاقستانداعى شاعىن جانە ورتا بيزنەس وكىلدەرى الەۋمەتتىك جەلى ارقىلى 219-دان 438 ملرد تەڭگەگە دەيىن تابىس تاپقان، دەپ حابارلايدى Dalanews.kz.
زەرتتەۋ ناتيجەسىندە سۇرالعان 308 كاسىپكەردىڭ ءار التىنشىسى ءوز تابىسىنىڭ كەم دەگەندە جارتىسىن TikTok ارقىلى تاپقانىن ايتقان. كاسىپكەرلەر پلاتفورمانى ءونىمىن جارنامالاۋ، جاڭا كليەنت تارتۋ جانە برەند تانىمالدىلىعىن ارتتىرۋ ءۇشىن ءتيىمدى قۇرال دەپ باعالايدى.
زەرتتەۋگە سۇيەنسەك، TikTok-تى بەلسەندى پايدالانىپ وتىرعان كومپانيالاردىڭ تورتتەن ءبىرى استانا مەن الماتى قالالارىندا ورنالاسقان. بۇل قالالاردا الەۋمەتتىك جەلى ارقىلى بيزنەس جۇرگىزۋ ءۇردىسى ەرەكشە دامىپ كەلەدى.
ساراپشىلاردىڭ پىكىرىنشە، TikTok بۇگىندە قازاقستاندىق كاسىپكەرلەر ءۇشىن تەك جارناما قۇرالى ەمەس، ناقتى تابىس كوزىنە اينالعان.
ەسكە سالايىق، بۇعان دەيىن ءماجىلىس دەپۋتاتى جاناربەك ءاشىمجان كامەلەتكە تولماعاندارعا TikTok-قا كىرۋگە تىيىم سالۋدى ۇسىنعان بولاتىن.
