Shymkentte politsiia qyzmetkerleri megapolis kóshelerinde kúmándi ónim taratqan tórt qyzdy ustady dep habarlaidy Dalanews.kz. OTYRAR-ǵa silteme jasap.
Tekserý barysynda olardyń barlyǵy shetel azamattary ekeni anyqtaldy, al ustalǵandardyń biri kámeletke tolmaǵan bolyp shyqty.
Politsiianyń málimetinshe, qyzdar ylǵal mailyq salynǵan qaptamalardy taratqan. Olarǵa “Men segiz balanyń anasymyn, ótinemin, ylǵal mailyq satyp alyńyzdar” degen jazbalar qosa tirkelgen. Sondai-aq aqshalai aýdarym jasaý úshin bank kartasynyń nómiri kórsetilgen.
Osylaisha, alaiaqtyqqa barǵan qyzdar azamattardyń aiaýshylyǵyn týdyryp, olardan materialdyq kómek alýǵa tyrysqan.
Politseiler ustalǵandarmen túsindirý jáne aldyn alý jumystaryn júrgizip, azamattardy aldaý áreketteriniń jol berilmeitinin jáne el aýmaǵyndaǵy eńbek pen kásipkerlik qyzmetti retteitin zańnamany saqtaý qajettigin eske saldy.
Kámeletke tolmaǵan qyzben jáne onyń zańdy ókilderiniń qatysýymen jeke tárbielik áńgime júrgizildi.
