1 shildeden bastap Qazaqstanda aýlalar men turǵyn úi mańyndaǵy aýmaqtarda avtokólikterdi qoiýǵa qatysty jańa talaptar kúshine enedi, dep habarlaidy dalanews.kz.
Jańa erejelerge sáikes, avtoturaqtar men aýlalardy josparlaý kezinde kólikterdiń kógaldarǵa shyǵýyna jol bermeitin arnaiy fizikalyq bógetter ornatylýy tiis.
Sondai-aq turǵyndarǵa kvartalishilik jáne aýlaishilik joldarǵa temirbeton bloktaryn, baǵandardy, qorshaýlardy jáne ózge de kedergilerdi óz betinshe ornatýǵa tyiym salynady.
Qujatqa sáikes, turǵyn úi mańyndaǵy aýmaqtarda kólikterdi myna jerlerde toqtatýǵa jáne qoiýǵa bolmaidy:
avtoturaq retinde belgilenbegen oryndarda;
trotýarlarda;
balalar alańdarynda;
jasyl jelekter ornalasqan aýmaqtarda;
qoqys konteinerleri alańdarynda jáne olardyń mańynda.
Budan bólek, bólshektelgen nemese jaramsyz kúidegi kólikterdi aýlada uzaq ýaqytqa qaldyrýǵa da tyiym salynady.
