1 шілдеден бастап Қазақстанда аулалар мен тұрғын үй маңындағы аумақтарда автокөліктерді қоюға қатысты жаңа талаптар күшіне енеді, деп хабарлайды dalanews.kz.
Жаңа ережелерге сәйкес, автотұрақтар мен аулаларды жоспарлау кезінде көліктердің көгалдарға шығуына жол бермейтін арнайы физикалық бөгеттер орнатылуы тиіс.
Сондай-ақ тұрғындарға кварталішілік және аулаішілік жолдарға темірбетон блоктарын, бағандарды, қоршауларды және өзге де кедергілерді өз бетінше орнатуға тыйым салынады.
Құжатқа сәйкес, тұрғын үй маңындағы аумақтарда көліктерді мына жерлерде тоқтатуға және қоюға болмайды:
автотұрақ ретінде белгіленбеген орындарда;
тротуарларда;
балалар алаңдарында;
жасыл желектер орналасқан аумақтарда;
қоқыс контейнерлері алаңдарында және олардың маңында.
Бұдан бөлек, бөлшектелген немесе жарамсыз күйдегі көліктерді аулада ұзақ уақытқа қалдыруға да тыйым салынады.
