Abai oblysynda memlekettik orman qory aýmaǵynda paidaly qazbalardy zańsyz óndirý faktisi toqtatyldy, dep habarlaidy dalanews.kz.
Abai oblysynyń Mamandandyrylǵan tabiǵat qorǵaý prokýratýrasy erekshe qorǵalatyn tabiǵi aýmaqtarǵa jatatyn «Semei ormany» MOTR MM-niń Taý-Dala filialyna qarasty Úlken-Bóken ormanshylyǵy aýmaǵynda paidaly qazbalardy zańsyz óndirý faktisin anyqtady.
Zańsyz qyzmettiń saldarynan topyraqtyń qunarly qabaty men jasyl jelekter joiylyp, orman qorynyń jerleri búlingen.
Ormanshylyqtyń málimetine sáikes, keltirilgen zalal mólsheri 228 mln teńgeden asty.
Osyǵan bailanysty Mamandandyrylǵan tabiǵat qorǵaý prokýratýrasy Qazaqstan Respýblikasy Qylmystyq kodeksiniń 334-baby 3-bóligi 3) tarmaǵy boiynsha (jer qoinaýyn óz betinshe paidalaný) sotqa deiingi tergep-tekserýdi bastady.
Oblys prokýratýrasy jer qoinaýyn zańsyz paidalaný, sondai-aq erekshe qorǵalatyn tabiǵi aýmaqtarda sharýashylyq qyzmetti júzege asyrý zańda belgilengen jaýaptylyqqa, onyń ishinde qylmystyq jaýaptylyqqa ákep soǵatynyn eskertedi.
Ekologiialyq zańnamany buzýshylyqtardy anyqtaý jáne jolyn kesý boiynsha qadaǵalaý sharalary jalǵasatyn bolady, al qorshaǵan ortaǵa ziian keltirýdiń árbir faktisine keltirilgen zalaldyń tolyq kólemde ótelýin qamtamasyz ete otyryp, qaǵidatty quqyqtyq baǵa beriledi.
