Qazaqstannyń Eńbek Eri, KSRO halyq ártisi Asanáli Áshimovke arnalǵan XIII oblystyq ashyq shahmat týrniri onyń týǵan aýyly Jaiylmada ótti, dep habarlaidy dalanews.kz.
Bul týraly óner iesiniń jary Baǵdat Áshimova áleýmettik jelidegi paraqshasynda jazdy. Ol sharanyń "Tulǵaǵa taǵzym. Urpaqqa ónege" degen ataýmen uiymdastyrylǵanyn atap ótti.
Baǵdat Áshimova óz jazbasynda aýdan ákimshiligine, el azamattaryna jáne is-sharany uiymdastyrýǵa atsalysqan jandarǵa alǵys bildirdi.
"Aýdan ákimshiligine, el azamattaryna úlken rahmet. Jerles azamattaryn ulyqtap, jas urpaqqa óshpes mura qaldyryp otyr. Bul tarih taqtasynda qalatyn kún boldy", – dep jazdy ol.
Aita keteiik, Asanáli Áshimov – qazaq kinosy men teatrynyń damýyna ólsheýsiz úles qosqan kórnekti tulǵa. Onyń qurmetine týǵan aýylynda uiymdastyrylǵan shahmat týrniri jas urpaqqa ónege kórsetip, elge eńbegi sińgen azamattardy ulyqtaýdyń jarqyn úlgisi retinde baǵalandy.
