Rim qalasyndaǵy Villa Grazioli saiabaǵynda qazaq halqynyń uly aqyny, oishyly jáne kompozitory Abai Qunanbaiulynyń biýsti saltanatty túrde ashyldy, dep habarlaidy Dalanews.kz.
Saltanatty sharaǵa Qazaqstannyń mádeniet ministri Aida Balaeva, Italiiadaǵy elshi Erbolat Sembaev, sondai-aq Rim meriiasynyń jáne mádeniet institýttarynyń ókilderi qatysty.
Aida Balaeva óz sózinde bul eskertkish Qazaqstan men Italiia arasyndaǵy ózara qurmet pen dostyqtyń nyshany ekenin atap ótti.
Ol sońǵy jyldary ótken joǵary deńgeidegi kezdesýlerdi eske salyp, eki eldiń búginde senimdi strategiialyq seriktesterge ainalǵanyn aitty.
Ministrdiń aitýynsha, Abaidyń rýhani damý, bilim jáne adamgershilik týraly filosofiiasy italiialyq oishyldar Dante men Petrarkanyń ideialarymen úndesedi.
