Aralas jekpe-jek sheberi Shavkat Rahmonovtyń áieli men uly jol apatyna tústi, dep habarlaidy Dalanews.kz.
Jelide Shavkat Rahmonovtyń áieli men uly qatysqan jol apaty týraly aqparat tarady. Jambyl oblysynyń politseileri jaǵdaiǵa qatysty túsinikteme berdi, alaida naqty esimderdi atamady.
Quqyq qorǵaý organdarynyń málimetinshe, jol-kólik oqiǵasy 27 shilde kúni saǵat 08:50-de respýblikalyq mańyzdaǵy "Almaty – Ekaterinbýrg" tasjolynyń 299-shaqyrymynda bolǵan.
"Toyota Land Cruiser 200" markaly kóliktiń júrgizýshisi Qaraǵandy oblysy baǵytynan Almatyǵa qarai kele jatyp, rólge ie bola almai, kólikti aýdaryp alǵan. Jol-kólik oqiǵasy saldarynan eki adam qaza taýyp, taǵy ekeýi aýrýhanaǵa jetkizildi", – delingen politsiia taratqan habarlamada.
Telegram-daǵy Halyqstan arnasynyń dereginshe, kólikti Shavkat Rahmonovtyń jubaiy júrgizgen. Apat saldarynan onyń eki qurbysy qaza tapqan.
Qazir Qylmystyq kodekstiń "Kólik quraldaryn basqaratyn adamdardyń jol júrisi nemese kólik quraldaryn paidalaný erejelerin buzýy, abaisyzda eki nemese odan da kóp adamnyń ólimine ákep soqqan áreket" baby boiynsha sotqa deiingi tergeý bastaldy. Kólik arnaiy turaqqa qoiylǵan.
"Za nami vyehali" telegram arnasynyń málimetinshe, qazirgi tańda travmatologiia bólimine jatqyzylǵan.
"Rahmonovtar jabyq bas súiek-mi jaraqaty jáne mi soǵylýy diagnozymen travmatologiia bólimine jatqyzyldy. Jaǵdailary – ortasha aýyrlyqta. Qazir olar tiisti meditsinalyq hattamaǵa sáikes em qabyldap jatyr", - delingen oblystyq densaýlyq saqtaý basqarmasynyń jaýabynda.
