Qazaqstandaǵy shaǵyn munai óńdeý zaýyttaryna (ShMÓZ) suranysqa ie munai ónimderin shyǵarý mindetteledi. Bul týraly vitse-premer Qanat Bozymbaev depýtattardyń saýalyna jaýap berý barysynda málimdedi, dep habarlaidy Dalanews.kz.
Qazirgi ýaqytta túzetýler daiyndalýda: olar boiynsha shaǵyn zaýyttar jalpy óndiristiń keminde 45%-yn suranysqa ie munai ónimderinen shyǵarýǵa tiis bolady. Bul ishki naryqty qamtamasyz etý maqsatynda engizilmek.
Energetika ministrliginiń málimetinshe, elimizde munaidy jylyna 4,5 mln tonnaǵa deiin óńdei alatyn 20-dan astam shaǵyn zaýyt bar. Alaida olardyń óndiretin ónimderi – "jartylai daiyn ónim", tehnikalyq reglamentterge sáikes kelmeidi. Nátijesinde K-4 klasty janarmai alýǵa bolatyn "maily" fraktsiia syrtqa eksporttalady.
Jańa talaptardy 2029 jyldan bastap kezeń-kezeńimen engizý josparlanýda.
Zaýyttarǵa jabdyqtaryn jańartý úshin kelesi qoldaý sharalary qarastyrylýda:
- Jobany qarjylandyrý somasynyń 30%-yna deiin qamtityn Kepildik qory qurý;
- Qarjylandyrý stavkasyn 12% deńgeiinde belgileý.
