قازاقستانداعى شاعىن مۇناي وڭدەۋ زاۋىتتارىنا (ءشموز) سۇرانىسقا يە مۇناي ونىمدەرىن شىعارۋ مىندەتتەلەدى. بۇل تۋرالى ۆيسە-پرەمەر قانات بوزىمبايەۆ دەپۋتاتتاردىڭ ساۋالىنا جاۋاپ بەرۋ بارىسىندا مالىمدەدى، دەپ حابارلايدى Dalanews.kz.
قازىرگى ۋاقىتتا تۇزەتۋلەر دايىندالۋدا: ولار بويىنشا شاعىن زاۋىتتار جالپى ءوندىرىستىڭ كەمىندە 45%-ىن سۇرانىسقا يە مۇناي ونىمدەرىنەن شىعارۋعا ءتيىس بولادى. بۇل ىشكى نارىقتى قامتاماسىز ەتۋ ماقساتىندا ەنگىزىلمەك.
ەنەرگەتيكا مينيسترلىگىنىڭ مالىمەتىنشە، ەلىمىزدە مۇنايدى جىلىنا 4،5 ملن تونناعا دەيىن وڭدەي الاتىن 20-دان استام شاعىن زاۋىت بار. الايدا ولاردىڭ وندىرەتىن ونىمدەرى – "جارتىلاي دايىن ءونىم"، تەحنيكالىق رەگلامەنتتەرگە سايكەس كەلمەيدى. ناتيجەسىندە ك-4 كلاستى جانارماي الۋعا بولاتىن "مايلى" فراكسيا سىرتقا ەكسپورتتالادى.
جاڭا تالاپتاردى 2029 جىلدان باستاپ كەزەڭ-كەزەڭىمەن ەنگىزۋ جوسپارلانۋدا.
زاۋىتتارعا جابدىقتارىن جاڭارتۋ ءۇشىن كەلەسى قولداۋ شارالارى قاراستىرىلۋدا:
- جوبانى قارجىلاندىرۋ سوماسىنىڭ 30%-ىنا دەيىن قامتيتىن كەپىلدىك قورى قۇرۋ؛
- قارجىلاندىرۋ ستاۆكاسىن 12% دەڭگەيىندە بەلگىلەۋ.
