Áleýmettik jelide belgisiz áieldiń quqyq qorǵaý organy ǵimaratynyń kúzetinde turǵan politseige aiqailap, birneshe zań normasyn óreskel buzǵan videosy tarady, dep habarlaidy Dalanews.kz.
Videodan onyń kúzet qyzmetkerine til tigizip qana qoimai, Qazaqstan memleketi, qazaq tili, prezident pen politsiia qyzmeti týraly aýyr ári qorlap sóileýge deiin barǵany baiqalady.
Kadrlarda áiel quqyq qorǵaý mekemesiniń ishine kirýge talpynyp, politseimen janjaldasyp turǵan sáti kórinedi. Áńgime barysynda kúzet qyzmetkeri onyń áreketin qazaq tilinde basshylyqqa jetkizgen bolýy múmkin.
«Qazaq meni qazaqsha túsinbeidi dep basshysyna meni “shý kóterýde” dep aitty. Men óz quqyǵymdy qorǵap turmyn! Masyl memleket! Seniń Toqaevyń maǵan azaptaý kamerasynan video bergizbei otyr. Túsindiń be? Men saǵan aityp turmyn – meniń ózge ult ekenimdi bile tura qazaqsha sóilep kórshi. Kór de tur, men seni sotqa beremin! Sen osy jerde jalaqy alyp otyrýyń úshin men salyq tólep otyrmyn, uqtyń ba? Kerek bolsa, qazaq tilin senen artyq túsinemin. Basyndyryp bittińder! Ózge ult ókiline qurmet joq. Báriń separatistińder!» – deidi ol.
Bul sózderin áieldiń ózi videoǵa túsirip, jariialaǵan. Alaida qoǵamda bul áreket úlken synǵa ushyrady. Kópshilik ony zańǵa qaishy, memleketke jáne memlekettik tildi qorlaityn málimdeme jasady dep eseptep, jaýapqa tartýdy talap etip jatyr.
Jeli qoldanýshylary mundai áreketterge jol berýge bolmaitynyn, ásirese etnosaralyq kelisim men memlekettik rámizderge qurmet syndy qundylyqtar saqtalýy tiis ekenin eskertýde.
