2025 jyldyń alǵashqy jartyjyldyǵynda Qazaqstanda memleket pen azamattar arasyndaǵy keri bailanys tetikteri qarqyndy damýda. Bul baǵyttaǵy mańyzdy quraldardyń biri – epetition.kz platformasy.
Atalǵan tsifrlyq alań arqyly azamattar bir myńnan astam petitsiia joldap, qoǵamdy tolǵandyratyn máselelermen tanysýǵa múmkindik aldy. Portal qoǵamdyq bastamalardy bildirýdiń jáne memlekettik organdardyń nazaryn ózekti taqyryptarǵa aýdarýdyń tiimdi arnasyna ainalýda.
Memlekettik basqarýda ashyqtyq pen eseptilikti arttyrý maqsatynda Qazaqstan Respýblikasy Mádeniet jáne aqparat ministrligine aqparatqa qol jetkizý salasynda memlekettik baqylaý júrgizý fýnktsiiasy júkteldi. Esepti kezeńde 61 aqparat iesine qatysty tekserý júrgizilip, «Aqparatqa qol jetkizý týraly» Zańnyń 16-babynda kózdelgen normalar boiynsha anyqtalǵan quqyq buzýshylyqtardy joiý jóninde resmi habarlamalar joldandy.
Azamattardyń ótinishterin qaraý mádenietin jetildirý maqsatynda elordadaǵy Azamattardy qabyldaý ortalyǵynyń tájiribesi elimizdiń barlyq óńirlerine engizildi. Búginde respýblika boiynsha 150-den astam osyndai ortalyq jumys isteidi. Bul ortalyqtarda azamattar memlekettik qyzmetterge júginip, ákimdik ókilderinen keńes surap, belgilengen keste boiynsha jeke qabyldaýǵa jazyla alady. Ortalyqtardyń infraqurylymy turǵyndardyń ártúrli sanaty úshin qolaily ári qoljetimdi bolýyna jaǵdai jasaidy.
Sonymen qatar, memlekettik organdardyń ashyqtyq indeksi boiynsha aldyn ala nátijeler jasalyp, olar Memleket basshysy Ákimshiliginiń jáne ortalyq memlekettik organdardyń qatysýymen ótken jiynda usynyldy. Bul baǵalaý 48 ortalyq jáne jergilikti atqarýshy organnyń qyzmetin qamtydy.
Memleket pen qoǵam arasyndaǵy ózara is-qimyldyń tsifrlyq ári institýtsionaldyq tetikterin damytý – tiimdi basqarýdy qamtamasyz etýge jáne halyq senimin nyǵaitýǵa baǵyttalǵan qazirgi memlekettik saiasattyń mańyzdy baǵyty bolyp qala bermek.
QR Mádeniet jáne aqparat ministrliginiń baspasóz qyzmeti
